Оқушылардың қауіпсіздік мәдениетін қалыптастыру,

Мектебімізде оқушылар арасында лазерлік құрылғыларды заңсыз пайдаланудың қауіптілігі және оның құқықтық салдары туралы түсіндіру және алдын алу жұмыстары жүргізілді.
Іс-шара барысында оқушыларға лазерлік құрылғыларды орынсыз қолдану адамдардың денсаулығына, әсіресе көз көру қабілетіне айтарлықтай зиян келтіруі мүмкін екендігі түсіндірілді. Сонымен қатар қоғамдық орындарда, көлік жүргізушілеріне, ұшақтарға немесе басқа адамдарға бағыттап лазер қолданудың қауіпті екендігі айтылды.
Оқушыларға мұндай әрекеттердің заң алдында жауапкершілікке әкелетіні, әкімшілік және құқықтық салдары болуы мүмкін екендігі туралы ақпарат берілді.
Түсіндіру жұмыстарының мақсаты – оқушылардың қауіпсіздік мәдениетін қалыптастыру, заң талаптарын құрметтеуге тәрбиелеу және түрлі құқықбұзушылықтардың алдын алу болып табылады.