SNW-талдау және мектепішілік бақылау тақырыбында қалалық директорлар семинары өткізілді.

ШҚО Өскемен қаласының «№49 жалпы білім беретін мектебі» КММ директоры Кадирова Айгуль Чуленбаевна

SNW-талдау және мектепішілік бақылау

SNW-талдау деген не? Бұл талдаудың тиімділігі неде?
SNW-талдау – бұл мектеп жұмысының мықты, орта және кемшілік тұстары.  Аталған үдерістің мақсаты мектепте атқарылып жатқан жұмыстың жетістіктерін анықтау, содан кейін кемшіліктерді жою және болдырмауға күш салу болып табылады. Жұмыстың жетістіктері мен олқылықтарын білу мектептің басымдығын анықтауға, оқу-тәрбие үдерісін дамытуға және мектепішілік бақылауға қоюға бағытталады. 
SNW-талдауды кім жасайды?
• мектеп педагогтері;
• пән бірлестігінің жетекшілері;
• директордың оқу-тәрбие бойынша орынбасарлары;
• мектеп директоры;
Мектеп әкімшілігі үшін жүйелі жүргізілген талдаудан төмендегі екі міндет туындайды:
• жұмыстың мықты бөліктерін табу, оны одан әрі дамыту арқылы ресурс ретінде пайдалану;
• жұмыстың кемшілік тұстарына талдау жасау, жою немесе азайту арқылы оның оқу-тәрбие үдерісіне, мектеп жұмысына әсерін болдырмау;
SNW-талдау бірнеше факторлардан тұрады. Факторлар жиынтығы әр мектептің миссиясына, жеке ерекшелігіне байланысты. Дегенмен, мектепішілік бақылаудың 7 негізгі бағыттарын толық қамтымасақ, толыққанды талдау болмайды. SNW-талдаудың негізгі бөліктер (факторлары) төмендегідей:
• нормативтік құжаттардың орындалуы;
• талаптарға сәйкес мектеп құжаттамасының жүргізілуі;
• оқу процесінің сапасын бақылау;
• білім олқылықтарын толтыру және төмен көрсеткіштермен жұмыс істеу бойынша жұмыстар;
• оқу-зерттеу қызметі;
• мұғалімнің шеберлік және әдістемелік дайындық жағдайының деңгейі;
• тәрбие үдерісінің, өткізілген іс-шаралардың сапасы;
• материалдық-техникалық базаның нығаюы және мектепте жағымды әлеуметтік-психологиялық ортаны сақтау;
Сіз өз мектебіңізде оқу-тәрбие үдерісін қалай талдайсыз?  
Пікіріңізді білдірсеңіз.